A elaboración da memoria de sustentabilidade comprende a medición, divulgación e rendición de contas fronte a grupos de interese internos e externos en relación co desempeño da organización con respecto ao obxectivo do desenvolvemento sustentable.

A información relativa ao impacto económico, ambiental e social dos nosos procesos, proporciona unha imaxe equilibrada e razoable do desempeño en materia de sustentabilidade, cuxos resultados do exercicio atenden aos compromisos, estratexia e enfoque directivo adoptado polos órganos de goberno da organización.

Por todo iso, a Memoria de Sustentabilidade definiu o seu contido co fin de garantir a calidade da información facilitada, incluíndo os indicadores de desempeño cunha serie de pautas sobre aspectos técnicos relacionados cos nosos procesos.

A Fundación EMALCSA constitúese polo concello da Coruña e a súa empresa pública municipal EMALCSA, ao servizo de fins de interese xeral nos ámbitos dos asuntos sociais, deporte, cultura, educación e desenvolvemento económico e urbano.

O obxectivos de interese xeral da Fundación son:

• Deseñar, promover e realizar, de xeito directo ou concertado, programas de integración social, prestacións sociais, promoción económica e fomento do emprego, e todas aquelas actividades de colaboración e apoio ás funcións que o Concello da Coruña leve a cabo, ou teña previsto desenvolver no futuro, no marco da súa Política Social, de Asistencia Social e Axuda Humanitaria, de Promoción e Desenvolvemento Económico e Empresarial, e de Emprego.

• A promoción, desenvolvemento e fomento do deporte.

• Desenvolvemento e impulso de todo tipo de manifestacións culturais na cidade da Coruña, e difusión da cultura da cidade no mundo e especialmente no ámbito da Unión Europea.

• Contribuír á análise, deseño e execución de novas estratexias de funcionamento e desenvolvemento urbanos e de prestación de servizos municipais.

Protexemos o medio para garantir a sustentabilidade dos recursos e o respecto ao contorno.