Utilizamos cookies propias y de terceros para mejorar nuestros servicios. Si continua navegando, consideramos que acepta su uso.
Puede obtener más información, o bien conocer cómo cambiar la configuración de su navegador, en nuestra Política de cookies
Sala de prensa

Sala de prensa

Emalcsa amplía o prazo do seu concurso de vídeo

Noticias |

Emalcsa amplía o prazo para presentarse ao concurso de vídeo “A auga nun minuto”, organizado con motivo do Día Mundial da Auga. As persoas interesadas poderán tomar parte na iniciativa ata o 30 de abril, podendo facerse con premios de ata 500 euros.  

O tema escollido este ano, seguindo unha vez máis o lema marcado polas Nacións Unidas para o Día Mundial da Auga, será “A auga subterránea: facer visible o invisible”. As persoas interesadas poden enviar un vídeo dun minuto de duración, como máximo, sobre esta temática abordada desde calquera perspectiva: medioambiental, hixiénico-sanitaria, educativa, de lecer, etc.  

Apto para centros educativos e asociacións 

Este ano hai dúas categorías para participar: para menores e maiores de 18 anos.
A de menores está deseñada a nivel grupal para que tanto os centros escolares como calquera tipo de asociación ou entidade poida enviar a súas propostas como afeccionados. Haberá tres gañadores que se levarán 500, 250 e 100 euros de premio para o centro ou entidade responsable, así como un diploma e agasallo particular para todos os membros do grupo gañador. 

Na categoría de maiores de 18 anos, en cambio, haberá a posibilidade de participar de xeito individual ou grupal. Pretende incorporar propostas dun carácter máis profesional e, neste caso, os premios só serán os metálicos (500, 250 e 100 euros). 

Como o ano pasado, os participantes deben pertencer ao ámbito territorial de actuación de Emalcsa: os concellos da Coruña, Arteixo, Cambre, Culleredo, Oleiros, Sada, Bergondo e Carral. 

O obxectivo do certame é crear unha corrente de opinión e un debate público sobre a auga desde diferentes perspectivas e, no caso deste ano, resaltar a importancia dun ben tan relevante como a auga subterránea, normalmente invisible para as persoas.  

Consulta as bases completas do concurso. 

Últimas noticias