A Empresa Municipal de Augas da Coruña (Emalcsa) detectou unha fuga nunha das principais infraestruturas de abastecemento da cidade e, aínda que xa se acometeron actuacións previas, a súa reparación integral requirirá un corte na condución da auga, que se realizará mañá, martes 8 de febreiro.

Para reducir molestias á veciñanza, o persoal técnico realizará un cambio na configuración do sistema de abastecemento. É dicir, redirixirá a auga por outras conducións secundarias, o que evitará interrupcións na subministración, pero non se descartan episodios de turbidez na cidade da Coruña. Tampouco afeccións no resto de concellos da comarca: Culleredo, Cambre, Arteixo e Oleiros. En todo caso, cómpre lembrar que estas alteracións puntuais non supoñen un risco para a saúde.

Datos técnicos
A avaría localizouse na rúa María Cagiao do concello de Culleredo, nunha acometida de 800 mm de diámetro nominal, que abastece aproximadamente ao 60% da cidade da Coruña.

Está previsto que os traballos comecen a primeira hora de mañá, en torno 08.00 horas e poderían prolongarse durante todo el día.

Desde Emalcsa lamentamos as molestias que esta actuación poida provocar e agradecemento a comprensión da cidadanía.