Utilizamos cookies propias y de terceros para mejorar nuestros servicios. Si continua navegando, consideramos que acepta su uso.
Puede obtener más información, o bien conocer cómo cambiar la configuración de su navegador, en nuestra Política de cookies
Sala de prensa

Sala de prensa

Dúas fontes de auga intelixentes con desperdicio cero

Noticias |

O IES Universidade Laboral de Culleredo acaba de rematar o proxecto SMARTspringwater posto en marcha coa colaboración de Emalcsa polo que o alumnado de segundo curso dos ciclos básicos de Fabricación e Montaxe e de Electricidade e Electrónica crearon dúas fontes de auga intelixentes con cero desperdicio de auga.


A idea de crear unha fonte eficiente de auga coa que se reducise o uso de botellas de plástico dun só uso partiu da profesora  de Fabricación e Montaxe Lorena Méndez, quen contactou con Emalcsa para levar a cabo esta iniciativa, que finalmente foi seleccionada nos premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional en centros públicos dependentes da Consellería de Educación, Universidade e Formación profesional de 2019.


Unha vez presentada a proposta, Emalcsa iniciou unha serie de encontros co alumnado para explicar o proxecto e, xuntos, crear o deseño da fonte. Cómpre destacar o esforzo feito tanto polo instituto de formación profesional como pola empresa de augas para organizar as reunións e a posta en común do bosquexo, ao ter que compaxinarse coas medidas de prevención e hixiene marcadas pola pandemia.
Unha vez pechado o deseño, Emalcsa encargou e financiou un prototipo da infraestrutura ás empresas coruñesas Tecdesoft e Ofimor para que os estudantes puideran replicalo.


Para iso, a compañía de abastecemento facilitou tanto as pezas necesarias para a construción como os manuais de montaxe e electrónica necesarios para que as alumnas e alumnos puideran poñer en marcha outros dous prototipos, sempre baixo a supervisión dos seus titores, que foron financiadas co premio da Conselleria. Esta foi a última fase do proxecto na que unha vintena de estudantes estiveron inmersos nos últimos meses.


Resultado e funcionamento
Así, a día de hoxe, a Universidade Laboral de Culleredo dispón de tres fontes intelixentes coas que, ademais de reducir o consumo de auga, porque detectan o nivel de enchido das botellas, non require contacto físico. A fonte actívase só cando un recipiente está baixo a billa e a persoa pasa a man por diante dun detector. É dicir, é necesaria unha doble activación.


Outra das vantaxes polas que a fonte é medioambientalmente sostible é que non está conectada a un desaugadoiro, senón que os restos de auga que puideran desperdiciarse no proceso irían a un depósito, ben para a súa evaporación e integración no ciclo natural da auga, ben para outros usos como o regado de plantas, idea tamén incorporada polo alumnado.


Esta actividade levada a cabo ao longo de dous anos  encaixa coa filosofía de Emalcsa de aportar valor engadido á súa actividade e contribuír coa súa contorna. Así, ademais de accións de carácter medioambiental, aposta tamén pola formación e educación  das persoas co fin de mellorar a súa actitude de cara a un consumo responsable de auga e, en xeral, de todos os produtos.

Últimas noticias