Utilizamos cookies propias y de terceros para mejorar nuestros servicios. Si continua navegando, consideramos que acepta su uso.
Puede obtener más información, o bien conocer cómo cambiar la configuración de su navegador, en nuestra Política de cookies
Sala de prensa

Sala de prensa

Unha ollada artística á estación depuradora da Telva

Noticias |

O luns 16 de xullo inaugurouse na primeira planta da Casa da Auga unha nova exposición artística do grupo USKoruña, co título de Auga para a vida na planta potabilizadora da Telva e non encoro de Cecebre. Está aberta de luns a venres de 7,30 a 22,30h, e os fins de semana e festivos de 9,30 a 21h.

Alí poden verse obras pictóricas fotografías, esculturas e poesías dos artistas que forman este colectivo dedicado retrato urbano: Pelayo López, Ra Iribarnegaray, Beatriz Clara, Fernando Pereiro, Moncho Rama, Amelia Seoane (Secas), Carmen Vicario, Nanda Cabaleiro, Carmen Nina, Marité Prieto, Luís San Miguel, Marta Moreira e Encarnación Díaz.

As obras son froito da visita realizada polos artistas ás instalacións da Estación de Tratamento de Auga Potable (ETAP) da Telva e á presa de Cecebre, onde coñeceron o funcionamento de ambas as infraestruturas, e atoparon as súas fontes de inspiración. Cada un aplicou a súa particular mirada, retratando desde o impoñente perfil do edificio modernista co que naceu a estación da Telva ata os pequenos detalles da canalización ou o filtrado de auga. Da suma das súas visións nace un completo retrato da infraestrutura que abastece de auga os fogares coruñeses.

 

A vida secreta da auga da billa

Como expón Fernando Pereiro na presentación da mostra “tan importante é a auga para nós que mesmo forma parte das obras que nos inspira o noso periplo polas instalacións de Emalcsa, é o diluínte que empregamos nas nosas acuarelas, técnica predilecta para retratarmos a nosa contorna ao xeito que define a filosofía dos debuxantes urbanos”.

Pola súa banda, Pelayo López explica que a visita á depuradora da Telva foi "fascinante, porque nos permitiu coñecer o enorme traballo que existe detrás dun xesto tan sinxelo como abrir a billa e que salga auga. É algo tan cotián que esquecemos o marabilloso que resulta". E esa sensación de marabilla redescubierta é a que impregna as obras desta exposición.

Recóllea ben o poema de Carmen Nina, que pode lerse nas paredes Casa da Auga, en referencia ao líquido vital: “para que podamos ser lo que somos / existes desde siempre. / rocío, lluvia, / mar, planeta, / savia, néctar, / leche, sangre, / alma de placenta / fluída vida”.

Unha historia de historias

Hai dous anos, o colectivo –denominado entón Urban Sketchers Coruña– visitou as instalacións da ETAP de Cañás, a primeira depuradora da nosa área metropolitana, que continúa en funcionamento desde 1903. Nesta ocasión, achegáronse ata A Telva, inaugurada en 1941 e ampliada varias veces desde entón, e ao encoro de Cecebre, que comezou a encherse en 1976. Deste xeito, un colectivo artístico que non deixou de evolucionar percorreu xa coas súas obras boa parte da historia do abastecemento de auga na nosa contorna urbana.

É a historia de como Augas da Coruña, unha empresa privada, evolucionou ata converterse en Emalcsa, unha compañía 100% pública. Pero tamén é unha historia de persoas. Por exemplo, a historia de Anxos Fábregas, filla de Tomás Fábregas, responsable da estación de Cañás, que viviu coa súa familia na Casa do Garda, xunto á depuradora. Anxos publicou un libro coas súas memorias, Cañás, mi infancia entre aguas, ilustrado coas obras do grupo USKoruña. Da auga brota a vida, e tamén a creatividade.

  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña
  • USKoruña

Últimas noticias

+

EMALCSA garante a seguridade do subministro de auga a fogares e empresas

Despois de recibir varias consultas, desde a Empresa Municipal de Augas da Coruña, EMALCSA, aclárase que os estudos publicados recentemente fan referencia de forma exclusiva á presenza de restos de Covid-19 en augas residuais dos sumidoiros de fecais, polo que se garante a seguridade da agua que subministra á cidade e a varios concellos da área metropolitana, que cumpre con todos os parámetros recomendados pola Organización Mundial da Saúde (OMS) e outros organismos internacionais. Estes avalan en base ás evidencias científicas dispoñibles que os tratamentos de filtración e desinfección que utiliza EMALCSA eliminan ou inactivan o coronavirus, polo tanto, o servizo que chega a  fogares e empresas é seguro.

A día de hoxe, existe consenso en distintas entidades científicas, como a Organización Mundial da Saúde, o ECDC/CDC (Centers for Disease Control and Prevention) e a EPA (Environmental Protection Agency) sobre que o virus non foi detectado en augas de consumo cando están tratadas con filtración e desinfección, tal e como aplica EMALCSA. Así, desde a Empresa Municipal destácase que o seu actual tratamento de desinfección de augas garante un axeitado nivel de protección, facendo que a súa auga sexa segura tanto para beber como para cociñar  ou o uso hixiénico.

Desde o mesmo momento en que se declarou o Estado de Alarma, EMALCSA puso en marcha un Plan de Continxencia, que permite asegurar a actividade nas plantas de producción, incluído o laboratorio de calidade da auga, con protocolos de traballo ben definidos e en plena consonancia coas medidas adoptadas polas autoridades sanitarias e a administración pública.

+

O ministerio de Sanidade considera a EMALCSA "operador de servizos esenciais"

A Empresa Municipal de Augas da Coruña (EMALCSA) é unha das entidades ás que se dirixe a Orden SND/274/2020 do 22 de marzo que hoxe publica o Boletín Oficial do Estado (BOE), na que, baixo a sinatura do ministro de Sanidade Salvador Illa, ínstase a tomar “medidas tendentes a evitar posibles problemas de saúde mediante a garantía dos niveis de salubridade e hixiene tanto no subministro da auga como nos servizos de saneamento das augas residuais urbanas”.

Deste xeito, Emalcsa pasa a ser considerada “operadora de servizos esenciais” e así tamén poderá dispor dos produtos, substancias e materiais hixiénicos necesarios para garantir o cumprimento da normativa sanitaria aplicable ás augas de consumo humano. A Orde ministerial deriva do Real Decreto-Lei 8/2020, que sinala as medidas dirixidas a facer fronte ao impacto económico e social do COVID-19 e establece que o subministro de auga potable para o consumo humano é un servizo esencial, que debe quedar garantido, especialmente nas actuais circunstancias.

EMALCSA asumiu estas diretrices desde o primeiro momento e mantén con total normalidade o subministro e a calidade da auga, ao que tras a Orde ministerial, en vigor namentres dure o Estado de Alarma, suma o acceso aos combustibles básicos para poder realizar o servizo nas condicións esixidas así como o permiso para dispor das existencias propias. Ademais, aválase o acceso de EMALCSA ao aprovisionamento dos produtos e materiais hixiénicos necesarios para o servizo, como xel hidroalcóholico, bactericidas, líquidos desinfectantes, mascarillas, ou traxes desechables.

Por último, segundo o publicado no BOE, corresponderá á administración autonómica ditar as resolucións, disposicións e instruccións necesarias para garantir a eficacia desta Orde.

+

COMUNICACIÓN EMALCSA CORINAVIRUS

Emalcsa asume a súa responsabilidade coa sociedade

pondo en marcha un Plan de Continxencia

pola crise do COVID-19.

A Empresa Municipal de Augas da Coruña e as Autoridades Municipais, puxeron en marcha un plan de continxencia que permite garantir a subministración á poboación da Coruña e concellos da área metropolitana, ao asumir a responsabilidade co Plan de Emerxencia Nacional.

A posta en marcha das medidas decretadas polo Goberno da nación en relación á crise do Coronavirus supuxo un reto para a compañía pública de face a manter o servizo e ao mesmo tempo organizar o traballo de modo que se reduza o número de persoas traballadores expostas, establecendo regras para evitar e reducir a frecuencia e o tipo de contacto de persoa a persoa e clientes.

O Plan de Continxencia, preparado polo Comité de Riscos de EMALCSA, permite manter o servizo grazas ao compromiso dos seus traballadores e o alto grao tecnolóxico que a compañía adquiriu nos últimos anos. Esta situación permite que moitos dos procesos da compañía poidan ser controlados *remotamente e en canto á atención ao cidadán case todas as xestións poderán seguir realizándose con normalidade a través da oficina virtual (www.emalcsa.es), e o teléfono de atención ao cliente 981.24.23.22.

Durante polo menos 15 días, só permanecerán en activo o persoal de produción estritamente necesario, organizado en quendas de traballo nas plantas de produción, incluído laboratorio de calidade da auga, o e persoal de avarías para continxencias maiores en grupos *preestablecidos e con protocolos de traballo ben definidos, en atención ás medidas adoptadas polas autoridades sanitarias e goberno. A oficina comercial permanecerá pechada, pero mantendo a actividade a través dos medios citados previamente. Durante estes 15 días limitaranse os labores de lectura e xestión de contadores, salvo emerxencias ou falta de subministración que se atenderán baixo demanda no teléfono de atención ao cliente. O persoal de oficina fará as súas funcións mediante a habilitación progresiva das ferramentas de teletraballo. Durante os próximos días rogamos aos cidadáns que limiten as súas xestións, ao suspender temporalmente os prazos administrativos.

Dende EMALCSA animamos aos cidadáns a permanecer nas súas casas, co compromiso de todos os traballadores para que non lles falte a auga de calidade e na cantidade habitual, lembrando sempre facer un uso responsable do recurso co fin de garantir o servizo e manter o nivel de calidade da auga fornecida.

Lembramos que calquera dúbida poden resolvela no noso teléfono de atención ao cliente 981.24.23.22