Empregamos cookies propias e de terceiros para mellorar os nosos servizos. Se continúa navegando, consideramos que acepta o seu uso.
Pode obter máis información, ou ben coñecer como cambiar a configuración do seu navegador, na nosa Política de cookies
Sala de prensa

Sala de prensa

Adaptación da rede ao maior consumo de auga no verán

Novas |

Ao longo do día 20 de xuño, o persoal técnico da empresa municipal Emalcsa realizará manobras para adaptar a rede de subministro ao maior consumo da tempada de verán. Os traballos, que se realizan de xeito rutineiro todos os anos, preparan o servizo para cubrir sen problemas o incremento da demanda que se produce nos meses de calor.

 

A operación desenvolverase ao longo do día e pode chegar a causar episodios puntuais de turbidez durante a xornada, por mor dos cambios na circulación de auga pola rede. No caso de darse, rematarán por desaparecer en cuestión de horas. De todos os xeitos, é importante recalcar que estas variacións na turbidez non afectan á salubridade da auga.

 

Emalcsa aproveita para facer un chamamento ao consumo responsable durante as datas do verán. A auga é un dereito do que toda a cidadanía pode gozar, pero tamén un recurso limitado que debemos coidar e protexer. Episodios como a seca que vivimos nos últimos meses de 2017 amosan que a auga non é inesgotable.

 

Últimas novas