A Cátedra Emalcsa promove o próximo mércores 11 de setembro un Seminario sobre Economía Circular e Bioplásticos no que se falará sobre o proxecto Bialac, que desenvolve a fabricación de biomateriais a partir da valorización do suero lácteo e o lodo urbano e que está financiado polo programa Conecta Pyme 2018. Con Bialac búscase acadar un biomaterial baseado en polímeros biodegradables (bioplásticos) a un custe reducido mediante o uso de materia prima de baixo valor, a partir do suero da industria láctea e os lodos de depuracións urbanas, como o da Edar-Bens. Así procúrase o obxectivo de reducir os prezos dos biopolímeros e producir novas formulacións no envasado de alimentos 100% biodegradables, contribuíndo deste xeito a un modelo de economía circular que achegue solucións para garantir a sostenibilidade do noso modelo de vida.

O seminario terá lugar no Edificio do CICA (Centro de Investigacións Científicas Avanzadas) do Campus de Elviña da Universidade da Coruña (UDC) promotora da Cátedra xunto a Emalcsa. A xornada comezará ás 9.30 horas do 11 de decembro e tras a apertura institucional empezará as charlas Javier Sanz Larruga, Catedrático en Dereito Administrativo e experto en Dereito Ambiental da UDC, que tratará a 'Política Europea de Economía Circular'. María José Abad, do Laboratorio de Polímeros da UDC, falará despois sobre 'Procesabilidade e Mellora de Prestacións dos Polímeros'. O 'Presente e Futuro dos Bioplásticos: Principais Aplicacións e Retos' será o tema da intervención de María Xosé Saborido, de Ecoplas. Por último, presentaranse os progresos do Proxecto Bialac, a cargo de Mari Carmen Veiga Barbazán, da UDC, e Ricardo Vázquez, Director de I+D+i de Emalcsa.

O seminario da Cátedra Emalcsa conta tamén coa colaboración do Grupo Atlante, namentres que no consorcio do proxecto Bialac participan así mesmo as empresas Abakal Ingenieros Consultores, Innolact, Ecoplas, ademais dos grupos de investigación Bioengin e Laboratorio de Polímeros, da Universidade da Coruña.

O prazo de inscrición xa está aberto, con aforo limitado, na web da Cátedra Emalcsa.

A Empresa Municipal de Augas da Coruña (Emalcsa) realizará este xoves 21 de novembro a segunda e última fase do entronque de tuberías dentro das obras que realiza na construción dun novo depósito en Alvedro. A primeira actuación tivo lugar o martes e se saldou de xeito positivo, sen incidencias destacables nin corte de subministro a pesar da complexidade do traballo, que obriga cada vez a respaldar con medios propios case a metade da rede para non paralizar o servizo. Así ben, cabe a posibilidade de que a execución desta fase desde o xoves ás 9.30 horas da mañá produza algún episodio de auga turbia.

As obras do depósito de Alvedro supuxeron un investimento de máis de catro millóns de euros e mellorarán a seguridade dun punto crucial para o subministro de auga, conectado directamente coa Estación de Tratamento de Auga Potable da Telva e que funciona como cabeceira do sistema de distribución aos municipios da Coruña, Culleredo e Arteixo, ademais de a parte de Oleiros e Cambre. A construción do depósito -xa avanzada nun 50 por cento entre conexións e cimentación- ampliará a capacidade de reserva de Emalcsa, o que dará marxe de actuación ante calquera posible incidente e reducirá os riscos durante as operacións de mantemento.

A Empresa Municipal de Augas da Coruña (Emalcsa) realizará este martes 19 de novembro unha importante obra dentro das que realiza de cara á construción dun novo depósito en Alvedro, ao acometer o primeiro entronque de tubería, un traballo que, en principio, non obrigará a cortar o subministro, se ben cabe a posibilidade de que a execución da obra produza algún episodio de auga turbia. A actuación comezará ás 09.30 da mañá e durará varias horas durante toda a xornada.

As obras do depósito de Alvedro supuxeron un investimento de máis de catro millóns de euros e mellorarán a seguridade dun punto crucial para o subministro de auga, conectado directamente coa Estación de Tratamento de Auga Potable da Telva e que funciona como cabeceira do sistema de distribución aos municipios da Coruña, Culleredo e Arteixo, ademais de a parte de Oleiros e Cambre. A construción do depósito -xa avanzada nun 50 por cento entre conexións e cimentación- ampliará a capacidade de reserva de Emalcsa, o que dará marxe de actuación ante calquera posible incidente e reducirá os riscos durante as operacións de mantemento.

A VII edición do concurso de debuxo na natureza 'Vida Silvestre no Encoro de Cecebre', que organiza o Grupo Naturista Hábitar, coa colaboración de Emalcsa, superou o récord de participación no presente curso, posto que se presentaron un total de 369 ilustracións, pertencentes a 256 participantes, o que supón case duplicar o número da edicións anteriores. O reparto por categorías foi de 260 debuxos e 194 concursantes na de menores de 14 anos e de 109 obras a cargo de 71 persoas na de maiores desa idade. Un éxito rotundo.

Como sinala Hábitat, esta nova convocatoria foi denominada co título 'A Vida dos Prados', pretendendo "poñer en valor os prados húmidos que rodean o encoro e a gran biodiversidade que conteñen. Estes espazos son esenciais para moitas das especies, xa que neles son onde levan a cabo as súas actividades: alimentación, cría ou refuxio. Os prados de Galicia están a verse reducidos ano a ano polo abandono do rural ou o cambio de uso do solo, o que fai que as especies que alí habitan desaparezan da zona. É esencial que entre todos axudemos a conservar e darlle valor a estes espazos".

Nos vindeiros días daranse a coñecer os e as premiadas.

A Cátedra Emalcsa que impulsan a Empresa Municipal de Augas da Coruña e a Universidade da Coruña organiza este mércores 13 de novembro -xunto ao Centro de Innovación Tecnolóxica en Edificación e Enxeñería Civil (Citeec) e a empresa de fabricación Agruquero- unha xornada que terá como eixe central os 'Retos e solucións de sostenibilidade en instalacións de saneamento, abastecemento e depuración: vangarda na capacidade hidráulica, o rendemento e a saúde pública'. A sesión comezará ás 09.30 da mañá e terá lugar na sede do Citeec no Campus de Elviña.

A xornada contará coa dirección e moderación a cargo de Ricardo Vázquez, director de I+D+i de Emalcsa, e será presentada por el mesmo xunto ao CEO de Agruquero, Gabriel Quero e Isabel Martínez, profesora do departamento de Inxeñería Civil da UDC. A continuación, o director técnico de Agruquero, Borja Andrés, falará sobre a 'Protección e impermeabilización dos depósitos de formigón e redes de saneamento'. De seguido, o director de obra de ACUAES, José Piñeiro, disertará sobre as 'Experiencias en Galicia en restauración de saneamentos'. O director de proxectos de Agruquero, Clemente Bernabé, tratará o tema 'O PRFV como aliado perfecto das infraestruturas auxiliares do proxecto', e Fernando Cárcamo, de Tecoplás, explicará cuestións relativas ás 'Experiencias na aplicación de termoplásticos, na restauración e revestemento de aplicacións'. Tras o coloquio e como remate da sesión, os e as participantes farán unha visita ás instalacións do Citeex.

A Cátedra Emalcsa consolida unha relación técnico-científica entre a Empresa Municipal de Augas da Coruña e a Universidade da Coruña que afonda no traballo conxunto entre ambas entidades, co obxectivo de avanzar na investigación, o desenvolvemento e a innovación no suministro e tratamento da auga, con especial atención aos retos que supoñen o cambio climático e o control de calidade. Así mesmo, a Cátedra nace para apoiar a todas as institucións que piden o asesoramento de Emalcsa no que ten que ver coa xestión da auga urbana, onde é unha referencia nacional.

Emalcsa e Improving Metrics desarrollan comportamientos inteligentes del flujo de salida del agua de la presa de Cecebre, para optimizar el volumen utilizado a diario y mejorar la capacidad de reserva y  preservación ambiental

La Cátedra Emalcsa-UDC organizó la charla del jefe del Departamento de Espacio Urbano del Ayuntamiento de Barcelona, a la que acudieron más de 40 personas.

El  CEIP Emilia Pardo Bazán de A Coruñafue el ganador de este certamen educativo organizado por Emalcsa y la Reserva de Biosfera Mariñas Coruñesas e Terras do Mandeo.

El personal técnico de la empresa municipal resolvió unha rotura fortuíta en una tubería de 500 mm de diámetro. Debido a estas operaciones, ha sido necesario realizar un corte de agua de emergencia, que afecta al conjunto de la calle.

Estamos renovando uno de los puntos cruciales para la distribución de agua en A Coruña, sin realizar cortes del servicio y con el fin de mejorar su calidad

Tendrá lugar el próximo 24 de abril, a las 18h, en la Casa del Agua, con el título Águas Interiores: Compreender a complexidade para melhor gerir.

Las obras se llevarán a cabo sin cortes en el servicio, a pesar de realizarse sobre las tuberías que llevan un 70% del agua que se consume en A Coruña Si podrían darse episodios de turbidez.